بمناسبة رمضان

بمناسبة رمضان
السلام عليكم ورحمة الله وبركاته

كل سنة وانتو طيبين وبألف خير

بمناسبة رمضان افضل شهر فى السنة شهر البركات والحسنات والخير وكل حاجة حلوة عشان كده لازم نستغله احسن استغلال هتقولو هنختم القرآن وهنختمه اكتر من مرة وهنصلى الصلاة فى معادها وهنذكر ربنا كتير وهنقيم الليل وهنتسحر فى وقت متأخر من الليل وهنصلى الفجر جماعة وهنصلى القيام مش 11 ركعات لا هنصلى لا هنصلى २३ ركعة والتليفزيون مش هنقربله.كلام جميل صح؟
بعد الكلام ده:
اول اسبوع :قرأنا 3اجزاء كل يوم وصلينا كل الصلوات فى جماعة وذكرنا ربنا كتير وقمنا الليل وصلينا २३ ركعة واتسحرنا متأخر وصلينا الفجر فى المسجد والتليفزيون انا بسمع بس البرامج الدينية والاناشيد الاسلامية
ثانى اسبوع :قرأناجزء يوم اه ويوم لأ اصلنا مش فاضيين وصلينا كل الصلوات فى جماعة بس الفجر يعنى يوم اه ويوم لأ وقيام الليل بقى بيقل كل يومين ركعتين اصل لما بطول رجلى بتتعب والسحور بدرى شوية اصل صعب انك تصحى فى الوقت ده عشان الشغل اما التليفزيون انا سمعت فلم واحد بس فيه مسلسل معرفتش اقاومه.
ثالت اسبوع:بنقرأ لما بنبقى فاضيين يعنى كل يومين تقريبا اما الصلوات كلها بصليها فى المسجد بس صلاة الظهر زادت على الفجر اصلى بنام فيها ببقى تعبان اوى والقيام لما ببقى مش تعبان بصلى بس انا بذكر ربنا كل ما بركب المواصلات واما السحور فأنا بحب انام خفيف والتليفزيون المسلسل فيه مسلسل بعده اجمل من اللى قبله انا بسمعهم وانا بفطر يعنى مش بضيع وقت.
اخر الايام:القرآن لسه فى كتير اوى انا كده مش هلحق اخلصه كده انا مش عارف اعمل ايه والصلوات مش عارف اصحى خالص وتعبان طول النهار مش عارف اروح المسجد قصدى يعنى مش عارف اواظب ومش بعرف اصحى بالليل للقيام ولا للسحور والتليفزيون مش عارف اسيبه انا مش عارف اعمل ايه رمضان خلص وانا معملتش حاجة

وضاع منك رمضان

شوف الفرق بين البداية والنهاية دى حاجة ودى حاجة تانية خالص بس انا عندى الحل بس المهم نلتزم و واهم حاجة اننا نحدد اللى احنا نقدر عليه ومنزودش عليه خصوصا فى الاول يعنى زى سباق الجرى فى الاول لو بذلنا كل جهدنا فى اخر السباق مش هنعرف نكمل اما لو وزعنا قوتنا على المسافة كلها هنقدر نكمل يعنى ابدؤو بهدوء وممكن تزودو فى العشر الاواخر زى ما انتو عايزين وممكن نعمل جدول او نعمل حاجة زى التقييم كده نكتب فيها اللى المفروض نعمله ونعلم على اللى احنا عملناه بس لازم حد غيرك يشوفها عشان انت لو لوحدك ممكن تكسل وتقول محدش عارف المهم انا هقول على الحاجات اللى ممكن كلنا نعملها يعنى حاجة متاحة للكل
يعنى مثلا القرآن جزء كل يوم دى لو اول مرة تختم ده اما الصلاة فهى اهم شىء يعنى ممكن تلتزم بالصلاة وتسيب كل حاجة والتليفزيون هو تقريبا اصعب حاجة بس بجد لو عندك عزيمة وارادة قوية هتقدر تبعد عنه والقيام ممكن نبدأ مع اى حد عشان يشجعنا ونروح معاه المسجد والسحور بقى ممكن تنام بدرى لو بتحب تنام كتير اما لو بتحب السهر ممكن تسهر لحد ما تقدر وببعدين تتسحر وتصلى الفجر وتنام وممكن تشغل المنبه وممكن حاجات كتير اوى المهم انك تكون عندك ارادة وكفاية كده بقى انهاردة وارجو ان تكونو استفدتم من هذا الكلام
وادعو الله بان يجعل لديكم عزيمة وارادة لا تقاوم

واستودعكم الله